बिन्धवासिनी बचत तथा ऋण सहकारी संस्था लि. को मुख्य कार्यालय बनेपा मा २०८२ मंसिर ११ गते एकदिने सम्पत्ति शुद्धीकरण निवारण सम्बन्धी तालिम सफलतापूर्वक सम्पन्न भएको छ ।
कार्यक्रममा संस्थाका अध्यक्ष शान्त कुमार श्रेष्ठको सभापतित्वमा कोषाध्यक्ष भिम बहादुर खत्री, संचालक सदस्य केशब थापा साथै प्रमुख कार्यकारी अधिकृत केबी लामा, ना.प्र. कार्यकारी अधिकृत त्रिलोचन घिमिरेको उपस्थिति रहेको थियो ।
तालिमको सहजिकरण नेपाल राष्ट्र बैंकका पूर्व निर्देशक श्री श्यामकृष्ण दाहालले गर्नुभएको थियो । उहाँले सदस्य पहिचान, जोखिम वर्गिकरण, सम्पत्ति शुद्धीकरण, नीति नियम पालना नगरे हुन सक्ने कारबाही तथा जरिवानाबारे महत्वपूर्ण जानकारी दिनुभयो ।
३४ जना कर्मचारीको सक्रिय सहभागिता रहेको तालिमको प्रमाणपत्र वितारण तथा समापन संस्थाका अध्यक्षले गर्नुभएको थियो ।
यस तालिमले सम्पत्ति शुद्धिकरण निवारण सम्बन्धी ज्ञान र चेतना अभिवृद्धि गर्दै सहकारी क्षेत्रलाई अझ सुदृढ बनाउन सहयोग पुर्‍याउने विश्वास गरिएको छ ।