प्रश्नोत्तर

सदस्य बन्नको लागि संस्थाको कार्यक्षेत्र (काभ्रे, काठमाडौं, भक्तपुर, ललितपुर) भित्रको नागरिकता भएको नेपाली नागरिक हुनुपर्छ। नजिकको सेवा कार्यालय (खोपासी, बनेपा, पनौती, ढुंखर्क, पाँचखाल, भकुण्डे, बानेश्वर) मा गई नागरिकता प्रमाणपत्र र शेयर आवेदन फारम भरी सदस्यता लिन सकिन्छ।

संस्थामा आबद्ध भएपछि शेयर सदस्यहरुले बचत गर्न सक्नुहुन्छ, आवश्यक परेमा ऋण पाउनुहुन्छ, र विभिन्न प्रकारका सदस्य राहत कार्यक्रमबाट राहत सुविधा प्राप्त गर्न सक्नुहुन्छ।

Bindhavasini Smart App

सदस्य मृत्यु राहत, पारिवारिक राहत, स्वास्थ्य उपचार राहत, दैवी आपत विपत राहत, शिशु तथा सुत्केरी राहत, र बिन्धवासिनी विशेष उपचार राहत।

शेयर १ कित्ताको रु. १००।–, प्रवेश शुल्क रु. ५०।–, बिन्धवासिनी विशेष उपचार कोष रु. १००।–, नियमित मासिक बचत रु. २००।– — जम्मा रु. ४५०।–

१. स्वास्थोपचार राहतः सदस्य विरामी भई सरकारी, सामुदायिक वा शिक्षण अस्पतालमा उपचार गराएको अवस्थामा रु. १०,०००।– सम्म दुई पटक राहत उपलब्ध। २. पारिवारिक राहतः सदस्यको परिवारको मृत्यु भएमा रु. ५,०००।– सम्म ३ पटकसम्म राहत। ३. दैवी आपत विपतः दैवी प्रकोपबाट सदस्यको सम्पत्तिको हानि-नोक्सानी भएमा रु. ५,०००।– सम्म राहत। ४. सदस्यको मृत्यु राहतः सदस्यको मृत्यु भएमा हकवालालाई रु. २०,०००।– सम्म राहत। ५. नवजात शिशु तथा सुत्केरी राहतः सदस्यको बच्चा जन्मिएमा २ पटकसम्म रु. ५००।– सम्म राहत। ६. बिन्धवासिनी विशेष उपचार सहयोग कार्यक्रमः मुटु, क्यान्सर, ब्रेन ट्युमर, मृगौला जस्ता प्राणघातक रोगको उपचारमा नियमित बचतको आधारमा रु. २०,०००।– सम्म सहयोग।